Hargeysa (SONNA)-Wararka ka imaanaya magaalada Hargeysa ee xarunta maamulka Soomaaliland ayaa sheegaya in halkaasi ay ka da’een roobab dabeylo wata, oo aad u saameeyey dadka rayidka ah.
Ilo lagu kalsoonyahay oo SONNA lahadlay ayaa sheegaya in roobabkaasi ay sababeen dhimashada 5-ruux oo rayid ah iyo dhaawaca dad lagu qiyaasay 15-ruux, kuwaas oo ay saameeyeen roobabka da’ay.
Roobabka waxaa sidoo kale ay saameeyeen guryo iyo goobo kale oo ganacsi oo ku yaala magaalada Hargeysa gaar ahaana xaafada New Hargeysa oo roobabku si gaar ah ay u saameeyeen.
Masuuliyiinta maamulka Soomaaliland wali ma bixin faah faahin ku saabsan qasaaraha dhabta ah ee ka dhashay roobabkaasi.
W/D:-Muxudiin MMC
No comments:
Post a Comment