Madaxweyne Faroole oo Sheegay inuu Codsadey in AMISOM Puntland La geeyo (DAAWO)

 

Madaxweynaha oo la hadlayaya Jaaaliyada Puntland UK

RBC (London) Madaxweynaha Puntland Cabdiraxmaan  Maxamed Maxmuud Faroore ayaa waxuu shaaca ka qaaday war ay RBC kal hore qortay kaas oo ahaa in ciimada AMISOM qaarkood la geeyo deeganada Puntland si ay uga qeyb qaataan sugida amaanka deegaanada Puntland.

Mar uu Madaxweynuhu la hadlayey jaaliyada Puntland ee degan dalka UK ayaa waxuu  sheegey inay codsadeen in ciidanka midowga Africa ee jooga magaalda Muqdisho qaarkood la geeyo  magaala madaxda gobolka Mudug ee Gaalkacyo.

Wuxuuna intaas ku darey Madaxweynuhu in ay tahay sababta Gaalkacyo ay  ugu doorteen in ciidankaas la geeyo ayada oo amaankeedu xunyahay  ayna noqotay meel furin ah oo dilalka qorsheysan laga soo agaasimo.

” Puntland waxaa duulaan qaawan kusoo wada dadka ka dagaalama koonfurta dalka Soomaaliya sidaas darted waxaanu doonaynaa in aanu adkeyno amaanka Soodinteena waana midaas sababta aanu u codsanay waxaana ku hanweynahay in ciidankaas uu nasoo gaaro bilaha soo socda”.sidaa waxaa yiri madaxweynaha maamulka Puntland.

Midowga Afrika ciidamo ayaa ka jooga Caasimada Soomaaliya waxaana ciidamadaasi ay ka  kala socdaan wadamada Burundi iyo Uganda, waxa ayna xiligaan wajahayaan dagaal googan oo ay kula jiraan Al-Shabaab, inkastoo mudooyinkii ugu danbeeyay ay la wareegeen inta badan magaalada Muqdisho.

Codsiga Puntland ee ku wajahan ciidamada AMISOM ayaa waxuu ku soo adayaa xili magaalada Gaalkacyo ay ka dhaceen dagaalo xoogan oo u dhaxeeyay Puntland iyo waliba dad shacab ah oo degan xaafada Garsoor ee magaaladaasi Gaalkacyo.

Abdiraxmaan guushaa abdi
RBC Radio
London uk