Muqdisho (RBC) Qarax miisaankiisu aad u culus yahay ayaa goordhow oo daqiiqado ka hor ah laga maqay hotelka caanka ah ee Jazeera oo ay degaan madaxda dawlada iyo dadka ajnabiga ah ee ku sugan Muqdisho.
Qaraxan oo aan illaa hadda wax faahfaahin ah laga helin ayaa laga maqlay afaafka hore ee hotelka. Waxaana xigay rasaas tacshiirad ah iyadoo warar hada soo baxay ay sheegayaan in rag hubeysan ay hotelka weerareen.
Weli lama oga khasaaraha ka dhashay weerarkan, waxaana xiran goobta uu ka dhacay qaraxa oo ah iridka hotelka.
Hotelka Jazeera ayaa ku yaalla afaafka hore ee garoonka diyaaradaha Adan Cadde ee magaalada Myuqdisho.
Hotelka Jazeera ayaa meel amaanka si weyn loo ilaaliyo, waxaana had iyo jeer hotelka dega wasiirada dawlada, xildhibaano iyo xitaa dada ajnabiga ah ee yimaada Muqdisho.
Waxa sidoo kale dega saraakiisha ciidamada iyo kuwa AMISOM iyo martida u timaada maadaama hotelka uu ku yaallo afaafka hore ee garoonka diyaaradaha Muqdisho.
Waxaa hotelk sidan oo kale la weeraray bishii Sebtembar ee sanadkii 2012 xilli uu deganaa madaxweyne Xasan Sheekh oo maalmahaasi loo doortay xilka madaxtinimada.
Wixii ku soo kordha kala soco raxanreeb.com
No comments:
Post a Comment