Madaxweyne Faroole oo sheegay in laga bililiqaystey wasiiradii Puntland ku lahayd Federaalka

+Garowe (RBC Radio) Magaalada Garowe ayaa maantey si balaaran looga wada ciiday iyadoo salaada ciidul Adxa lagu tukadey Masaajidyada iyo garoonka kubada cagta ee Garowe. Tukashada salaada ciida ee garoonka waxaa dadka ku tukadey kala qaybgalay salaada lana tukadey labada rakco Madaxwaynaha Puntland C/raxmaan Maxamed Faroole, Isimo iyo masuuliyiin ka tirsan dawlada.
Culimada diinta ayaa khudbado diini ah kuna saabsan ciidul Adxa iyadoo ay ka hadleen arkaanta xajka isla markaasna bulshada ku boorinayay ka shaqeynta samafalka, maslaxada umada iyo nabadgalyada sidoo kale culimadu waxay bulshada musliimiinta ah uga digeen waxyaabaha fawaaxishka ah ee aan diinta Islaamka ku banaaneyn.
Madaxwaynaha dawlada Puntland C/raxmaan Faroole oo ka Hadley halka lagu tukadey ee garoonka kubada cagta ee Garoowe ayaa sheegay inay muhiim tahay in nabadgalyada dalka laga shaqeeyo ayna saran tahay ka shaqeynteedu muwaadin kasta oo reer Puntland ah. Madaxwayne Faroole waxa kale oo uu ka hadlay hadalo kazoo baxay Maamulka Somaliland isagoo tibaaxay madaxwaynuhu in Puntland ay doonayso nabad isla markaasna dariskeedana la doonayso hayeeshee waxa uu sheegay in kooxihii Sii Akhri