Siilaanyo oo ku guulaystay doorashadii madaxtooyada Somaliland

Hargeysa, July 01, 2010 (WDN) Golaha Doorashooyinka Somaliland ayaa si rasmi ah ugu dhawaaqay natiijadii doorashashadii madaxtinimada ee ka dhacday Somaliland bishii Juun 26keedii. Guddoomiyaha Komishanka doorashooyinka ayaa sheegay in Md. Axmed Maxamed Maxamud (Siilaanyo) oo ahaa musharixii madaxtinimada ee Xisbiga Kulmiye uu ku guulaystay tartankii doorashada madaxtinimada Somaliland.

Guddoomiyaha Komishanka ayaa hadalkan kaga dhawaaqay xaflad caawa ka dhacday Hotel Maansoor ee magaalada Hargeysa.

Md. Axmed Siilaanyo ayaa waxa uu noqonayaa madaxweynihii labaad ee dadku si toos ah u soo doortaan tan iyo markii ay Somaliland ku dhawaaqday gooni isu taageedda. Md. Saylici ayaa isna waxa uu noqon doonaa madaxweyne ku xigeenka Somaliland iyadoo labadan mas'uul ay xilka hayn doonaan 5 sano ee soo socota.
Sii Akhri