"Nin Tolkiis Abgaal yahay baan ahayoo Looma-ooyaan ah,Areey waad aragtaan Anigana Jeel baan ka dhex barooranayaa ninkii Indhacadana Shariif-Joker Janan buu u dalacsiiyay baa i soo gaartay ee sidaasi ma cadaalaad baa?

Written by Administrator

Friday, 25 February 2011 18:36

Maxamed Dheere oo xabsiga loogu sheegay in Yuusuf Siyaad Indhacadee General loo dalcasiiyay,ayaa ku calaacalay: "Nin Tolkiis Abgaal yahay baan ahayoo looma-ooyaan ah,Areey waad aragtaan Anigan Jeel baan ka dhex barooranayaa ninkii Indhacadana  Shariif-Jokerna Janan buu u dalacsiiyay baa i soo gaartay ee sidaasi ma cadaalaad baa?ayaa laga hayaa Maxamed-Dheere oo  Jeel lagu hilmaamay,isagoo gacmaha iyo lugaha ka xiran. Horay baan uga soo hadalnnay sababihii Tarsan iyo Shariif jeelka u dhigeen Maxamed-dheere. Sidoo kalana horay baan u sheegnnay in odayaasha iyo saraakiisha Abgaal ka shireen arrinta Maxamed-dheere oo ay Shariif ku dhaheen dhaqso u soo daa. Waqtigay u qabteen Shariif waa la dhaafay. Sidoo kale dhowr jeer waxaa bannaanbax sameeyey haween iyo carruur dalbanaya in Maxamed-dheere la soo daayo.  Shariif dhag jalaq uma siiyeen dumarkaas. Hadda waxaa soo baxday in intii Maxamed-dheere xabsiga ku jiray Shariifku caleemo saaray Mooryaankii dadka Shabeelada-Hoose  ka iibin-jiray Biyaha-Webiga Waxay dad badan xasuustaan  Indhocadde inuu ahaa  ninkii Jowhar bililiqeystay asagoo ku jira Midowga Maxkamadaha markii Maxamed-dheere laga ceyrshay Jowhar. Shabaabkii ku dhexjiray Maxkamadaha afkay gacanta saareen markay arkeen Indhocadde oo kaxeystay baabuur iyo matooro cusub oo deeq loo siiyey Jowhar! Shabaabku markaas jihaaad bay u jeedeen laakiin Shariifka iyo Indhocadde waxay soo arkeen safiirka Maraykanka saad ka aragteen inuu cajalkii fiidowga ahaa safiirku yiri: waxaan la kulmay Shariifka. Waqtigaas inuu sidoo kale la kulmay Galaal iyo Indhocadde ma ahayn arrin qarsoon. Haddaba maxaa Shariifku u xiray Maxamed-dheere halka uu darajada jananka u xiray Indhocadde? Maxamed-dheere iyo Indhocadde waa isku mid laakiin labo arrimood baa Maxamed-dheere ku dhaamaa Indhocadde: 1 Maxamed-dheere kuma qaraabto diinta oo isaga mujrinimadiisa waa caddeystaa. 2 Maxamed-dheere ma aha nin wax qarsada. Wuxuu kuu qabo saxaafadduu ka sheegayaa laakiin Indhocadde isagoo jaasuus ah buu qamiis iyo cimaamad kuu soo qaadan; wuxuu sheeganayaa inuu Jihaad ku jiro! Haddaan Maxamed-dheere la soo deyn maalmaha soo socda  ka hor waxaa la soo weriyay in dumar badan oo Abgaal ah inay yiraahdeen: " waxaan isku qaawineynnaa  magaalada Muqdisho goobaha aan ku banaan-baxno ilaa laga soo deynayo Siyaasiga Maxamed-Dheere ee Bahdilaada loo geystay. Shacabkamedia:Runta-Kama-Xishoono  Email: Shacabkamedia@live.com