Ciidamada Daraawiishta Puntland Oo Udhaqaaqay Dhinaca Sool & Ceyn

Garowe (RBC Radio):- Ciidamada Daraawiishta Puntland ayaa u dhaqaaqay dhinaca gobolada Sool iyo Ceyn halkaasi oo ay ka jiraan dagaalo ciidamada maamulka Soomaaliland ay kula jiraan dadka deegaanka.

Sida RBC Radio ay u xaqiijiyeen qaar ka mid ah dadka ku dhaqan magaalada Garowe, waxaa jiray dhaq dhaqaaq ciidan oo aad u xoogan oo saacadihii la soo dhaafey ka jiray gudaha magaalada iyo daafaheeda.
Guutooyin ka tirsan ciidamada Daraawiishta Puntland oo ay hoggaaminayaan Saraakiisha sar sare ee dhinaca Milatariga Puntland ayaa la sheegay in ay saacadihii la soo dhaafey ka amba baxeen magaalada Garowe ee caasimada Dowladda Puntland ee Soomaaliyeed.
Bixitaanka ciidamadaasi oo aysan inta badan dadka magaalada Garowe aysan kawada warqabin ayaa waxaa la sheegay in si xeeladeysan ay uga baxeen magaalada iyadoon laga warqabin meesha rasmiga ah ee ay aadeen, haddana waxaa warar hoosaadyadu sheegayaan in dufcadahaasi ciidamada ah ay u ruqaansadeen dhinaca gobolada Sool iyo Ceyn.Sii Akhri