Gaalkacyo[RBC Radio]Hal ruux oo ahaa nin isa soo miidaamiyay ayaa ku dhintay 27 kalana waa ay ku dhaawacmeen qarax ismaadiimina oo barqanimadii maanta ka dhacay agagaarka taliska qaybta booliska iyo saldhigga dhexe ee Gaalkacyo.
Qaraxa ayaa noociisu ahaa nin isa soo miidaamiyay oo loo adeegsaday gaari yar nooca soomaalidu u taqaan (saabuunta) ayaa dhacay sagaalkii iyo barkii barqanimo,kaasoo lala eegtay saraakiil uu ku jiray taliye ku xigeenka ciidanka booliska Puntland Gen, Muxiyadiin Axmed Muuse oo dhaawac uu ka soo gaaray, taliyaha ayaa hada xaaladdiisu ay wanaagsan tahay balse waxaa ka muuqda raadadka ay ku reebeen qaraxaasi, waxaana lagu dabiibayaa cisbitaalka GMC.
Dhawacyada ayaa isugu dhafan ciidankii la socday taliyaha, ciidamo kale oo ammaanka qaabilsan iyo dad shacaba oo ka ag dhawaa goobta qaraxu uu ka dhacay.
Taliye ku xigeenka booliska Jeneraal Muxiyadiin oo dhawaaciisu uu sahlanaa ayaa cisbitaalka GMC ee Dr, Dhaga-cadde waxaa uu kula hadlay saxaafadda waxaana uu sheegay inuu ka badbaaday falkaasi qorshaysnaa ee la doonayay in lagu khaarijiyo, ayna jirto dhaawacyo soo gaaray qudhiisa iyo ciidankii la socday.
Siddoo dhankiisa saxaafadda la hadlay taliyaha qaybta booliska gobolka Mudug G/sarre Jaamac Maxamed Axmed waxana uu sheegay inay horay u hayeen xog digniin oo muujinaysay khatar noocaan oo kalaa, wuxuuna sheegay inay hayaan raadadd falkaasi la xiriira.
Guud ahanba waxaa xiran gabi ahaanba jidka laamigaa inta u dhaxaysa garoonka cayaaraha illaa cisbitaalka, balse waxaa dagan xaaladda magaalada inkastoo la dareemayo samaaynta qaraxaasi.
Al-Shabaab ayaa sheegtay inay ka dambeeyeen masuuliyada weerarka lagu qaaday taliye ku xigeenka ciidanka Booliiska Puntland.
Qaraxan ayaa noqonaya markii ugu horaysay oo Gaalkacyo uu ka dhaco qarax ismiidaamina oo noocaana oo kalaa isla markaana loo adeegsado gaari walxaha qarxa laga soo buuxshay iyo nin miidaamaysan.
Iimaan Maxamed Jaamac
RBC Radio
RBC Radio
Xafiiska Gaalkacyo
No comments:
Post a Comment