Jawaari Oo Galabta Wadnaha Farta Ku-Haya In Shirka Oslo Ka Dhacaya Buuq Ay Ku Furaan Jaaliyada PDF-Norway Oo Ka Xumaatay 2-Dii Xildhibaan Ee Liiska Laga Tirtiray ?

Written by Administrator

Tuesday, 09 April 2013 11:33

Gudoomiyaha Baarlamaanka Maxamed Sheekh Jawaari oo maalmahan ku sugnaa magaaladda Oslo ee Caasimadda Norway ayaa ka cabsi-qaba in dhalinyaro careysan oo Jaaliyadda PDF-Norway ka tirsan inay carqaladeeyaan shirka galabta ka dhacaya (Oslo-Kongressenter)oo laga cabsi-qabo in Jaaliyadda Puntland ee Norway oo ka carootay in Jawaari 2-dii Xildhibaan ee Puntland ku soo aaday uu liiska ka tirtiray kuna bedelay dad aan Xildhibaano aheyn. Dawladda Norway ayaa la filayaa inay galabta sugto amaanka xarunta (Oslo-Kongressenter)maadaama laga cabsi-qabo inuu muran ka dhaco su'aal Jaaliyadda PDF-Norway hordhigi-doonto Gudoomiyaha oo ku saabsan,sababta uu 2-dii Xildhibaan ee Puntland liiska uga tir-tiray iyo cidda ku cadaadisay inuu falkaas ku dhaqaaqo. Hadaba waxaan ugu baaqaynaa dhamaan Jaaliyadda PDF-Norway oo aan ognahay inay ka careysan-yihiin maamul-xumadda uu ku dhaqaaqay Jawaari inay dul-qaad muujiyaan shirkana si gobanimo ah ugu soo qeyb-galaan,maadaama uu khaladka uu ku dhacay Gudoomiyaha laga yaabo in lagu cadaadiyay inuu 2-dii Xildhibaan ee Puntland uu liiska martida Oslo imaan-laheyd ka tir-tiro,waxaana idin kula talinaynaa idinkoo mudaaharaad sameyn buuqna ka dhalin hoolka shirka lagu qabanayo inaad su'aalaha si xikmadeysan u weydiisaan Jawaari,iyadoo naloo xaqiijiyay in Maykarafoonka loo ogol-yahay qofkii su*aal qabo inuu Jawaari weydiiyo. Balanteenu waa galabta iyo saacadda marka ay dul-istaagto 17:00(shanta-Galabnimo)inaad ka soo qeyb-gashaan shirkan su'aalaha lagu weydiinayo Jawaari ee ka dhacaya (Oslo-Kongressenter) Shacabkamedia-Beyra-Puntland Runta Kama-Xıshoono Email:Shacabkamedia@live.com