Sida ay sheegayaan wararka ilaa saddex askari ayaa ku dhintay oo ahaa dhinacyadii dagaalamay, halka qaar kale ay ku dhaawacmeen, dagaalka oo muddo saacad ka badan ka socday deegaanka Ceel-wareegow.
Wararka ayaa sheegaya in deegaanka ceel-wareegow oo ay gacanta ku hayeen maleeshiyo deegaanka ah laga saaray, iyadoo ay u baxeen dhinaca Marka, sida ay sheegeen goob joogayaal.
Xiisad xoogan ayaa laga dareemaya magaalada Marka iyo deegaanada ku dhow dhow, iyadoo ciidamada dowladda ee qaab beeleedka u abaabulan uu u muuqdo dagaalkooda mid ku saleysan maamulka magaalada Marka.
Sidoo kale dagaal ayaa iyana la sheegay inuu maanta ka dhacay deegaanka Janaale, iyadoo si la mid ah halkaas ugu dagaalameen ciidamo qaab beeleed u abaabulan.
Arrimaha ka jira Shabellaha Hoose ayaa la sheegayaa inay salka ku heyso arrimo siyaasadeed iyo arrimo kale oo ku saabsan lahaanshaha dhul deegaanka deegaanada gobolka oo beel ka mid ah beelaha dagaalka ku lugta leh ay ku eedeysay beel ka timid ilaa 1500-KM inay deegaankooda la wareegaan.
No comments:
Post a Comment