Guddoomiyaha hay’adda culimada Soomaaliyeed Sheekh Bashiir Axmed oo weerar dil ah ka badbaaday

Guddoomiyaha hay’adda culimada Soomaaliyeed Sheekh Bashiir Axmed oo weerar dil ah ka badbaaday by khaliil Muqdisho, Abril 08, 2013 (WDN)- Guddoomiyaha hay'adda culima'uddiinka Soomaaliyeed, Sheekh Bashiir Axmed Salaad, ayaa ka badbaaday iskuday la doonayay in lagu khaarajiyo maanta, kadib markii gaarigiisa loogu xiray walxaha qarxa.. Sheekh Nuur Baaruud Gurxan, oo ka mid ah culimada Soomaaliyeed, ayaa sheegay in Sheekha xilli uu ka soo baxay gurigiisa oo ku yaalla degmada Howl-wadaag loogu xirey baabuurkiisa waxyaabaha qarxa, laakiin nasiib wanaag uu ALLE ka badbaadshay weerarkaasi. Sheekh Gurxan, ayaa ku eedeeyay weerarkaasi iskudayga fashilmay ahaa inay ka dambeeyaan kooxda al-Shabaab, oo uu sheegay inay caadeysteen leynta culimada iyo dadka masaakiinta ah sabab la'aan. Wararka qaar, ayaa sheegaya in markii gaariga Sheekh Bashiir uu qarxayay uu Sheekhu laf-ahaantiisu saarnaa gaariga, uuna marayay agaagarka xaafadda Taleex ee degmada Hodan. Waxa bur bur soo gaaray qeyb ka mid ah gaariga, iyadoo sida muuqatay oo dadka qaar ay sheegayeen in waxyaabaha qarxa lagu qariyey qeybta dambe ee gaariga Sheekh Bashiir Axmed Salaad, kaas oo markii uu qarxay burbur u geystay qeybta dambe ee gaariga wadaadka la weeraray. Sheekh Bashiir Axmed Salaad, illaa iyo hadda kama hadlin weerarkan lagu dili lahaa isaga, waxaase hore uu marar badan uga dhawaajiyay inay Shabaab malageeyaan weeraro ay doonayaan inay ku dabar gooyaan culimada Soomaaliyeed iyo waxgaradka bulshada. Al-Shabaab, oo hore ugu hanjabtay cid kaste oo iyaga ka soo horjeeda, ayaanan illaa iyo hadda ka hadlin weerarkaasi fashilmay ee la doonayay in lagu dilo wadaadkaasi hoggaamiya hay'adda culimada Soomaaliyeed. Jamaal A. Cismaan WardheerNews.com Nayroobi, Keenya khaliil | April 8, 2013 at 4:55 pm | Categories: News, Warar | URL: http://wp.me/p2Y05p-RK Comment    See all comments