Afhayeenka maamulka Jubbaland oo beeniyey eedemo loojediyey maamulkoda

Afhayeenka maamulka Jubbaland Cabdinaasir Seeraar

Kismaayo[RBC Radio]Maamulka Jubbaland ayaa beeniyey eedomo la xiriirey in maamulkoda uu magaaladda Kismaayo ka geestey falal bini aadantinimada ka baxsan kadib dagaalo magaaladda ka dhacey.

Eedentaan ayaa la xiriirtey in maamulka magaaladda Kismaayo ciidamadooda ay dad rayid ah u geysteen falal isugu jira kufsi iyo dhac.

Afhayeenka maamulka Jubbaland Cabdinaasir Seeraar oo maanta shir jaraa’id ku qabtay Kismaayo ayaa sheegay in eedaymahaas ay yihiin kuwo an waxba ka jirin lana dhoo dhoobey islamarkana dadka ku kicinayaan dhinacyadii looga itaal roonaaday dagaalkii dhowaan ka dhacay magaalada.

“Warkaas waxaa sheegey dad an jeclen nabada Kismaayo,waana dad isku dayaya inay kiciyaan kooxihi nabada kasoo horjedey inay ka dhalato Kismaayo”ayuu ku sheegey hadalkisa Seeraar.

Dhinaca kale waxaa uu Seeraar shirkisa kaga hadley ammaanka Kismaayo kadib dagaalo magaaladda ka dhacey waxana uu timaamey in xaaladdu deggan tahay.

Sidoo kale waxaa uu soo hadalqadey in ciidamada hubeysan ee xiligaan magaaladda kusug in la geyn doono goobo gar ah iyagoona ay magaaladda amnigada ay sugi doonan ciidmo gar ah oo ka amar qaata maamulka Jubbaland.

Seeraar waxaa kalo uu beniyey in ciidamada Kenya jooga aysan wax lug ah kulaheyn dagaaladi Kismaayo ka dhacey ayna tahay eedenta loo so jeedinayo mid laga been sheegey.


Iimaan Maxamed Jaamac
RBC Radio