Wednesday 24 February 2010

Macalimiin iyo Arday ku dhaawacmay Rasaas ay is dhaafsadeen Ciidamo Muqdisho ku sugan

Muqdisho (RBC Radio):-Khasaarooyin ubadan dhaawac ayaa Shacabka Rayidka ah kasoo gaartay rasaas xoogan oo ay maanta is dhaafsadeen ciidamo kawada tirsan Dowladda KMG Somalia oo ku sugnaa degmada Wadajir magaalada Muqdisho oo ay si buuxda u maamulaan Ciidamada dowladda.
Dagaal mudodo kooba socday ayaa maanta Ciidan kawada tirsan dowlada KMG Somalia ku dhaxmaray Isgoyska Zope ilaa iyo guriga Villa Baydhabo oo ay deganyihiin saraakiil katirsan ciidanka dowlada KMG Somalia.
Goob joogayaal ayaa sh
eegay in dagaalku uu yimid kadib markii Ciidan dowlada katirsan ay baarasho kula dhaqaaqeen Arday iyo Macalimiin kasoo baxaysay jaamacadda Muqdisho waxaana durba sheeda sare ka arkay ciidan kale oo dowlada katirsan waxaana sidaasi ku bilaawday rasaas culus oo lays dhaafsaday.
Inta la ogyahay 8 qof oo rayid ah oo ay kamid ahaayeen Arday ayaa ku dhaawacmay rasaasta culus ee ka dhacday wadada, dadka dhaawacmay waxaa kamid ahaa macalin wax ka dhigayay Jaamacadda Muqdisho qaybteeda caafimaadka.
Wararka ayaa intaas ku daraya in Ciidanka dagaalamay aysan wax lacago ah ka qaadan Ardaydii Macalimiintii ay dhaca la damacsanaayeen, dadka deegaanka ayaa soo dhaweeyay bad baada ay Ciidanka Dowlada ee Akhlaaqda leh u sameeyeen Ardayda iyo macalimiinta la dhici rabay balse waxaa difaacida hantida ardayda ka dhashay khasaare dhaawacyo ah.
Ciidanka dowlada KMG ah ayaa dhowr jeer oo hore dagaalo ku dhexmareen  qeybaha ay kaga sugan yihiin magaalada caasimada ah ee Muqdisho waxayna arrimahani imaanayaan xilli dowladu samaysay maxkamadda ciidanka qalabka sida.
Ramadaan Sheekh Mohamed RBC Radio Muqdisho Somalia

No comments:

Why cows may be hiding something but AI can spot it

  By Chris Baraniuk Technology of Business reporter Published 22 hours ago Share IMAGE SOURCE, GETTY IMAGES Image caption, Herd animals like...