War saxaafadeed uu soo saaray galabta madaxweynaha kana soo baxay xarunta Villa Baydhabo ee taliska ciidamada ayaa waxaa xilka laga qaaday taliyihii ciidamada militariga, taliyihii booliska, taliyihii asluubta iyo taliyihii nabadsugida [PIS].
Ma jirto cid la sheegay in xilalkaasi loo magacaabay, balse waxaa wareegtada lagu xusay in madaxweynuhuu uu arintan u sameeyey kadib markii wasiirada amaanka ee dawlada ay soo jeediyeen arintan.
Haddaba war saxaafadeedka ayaa u qornaa sidan;-
War- Saxaafadeed
(Villa Baydhabo Somalia Isniin Maarso 07) Madaxweynaha Jamhuuriyada Soomaaliya Mudane Shariif Sheikh Ahmed ayaa wareegto uu Xilka ugu qaadayo dhamaan Taliyayaasha Ciidamada Amniga ka soo saaray xafiiskiisa.War saxaafadeedkan waxaa na soo gaarsiiyey
Wareegtadan ayaa timid kadib markii ay keeneen soo jeedin xilkaqaadis Wasiirada ay arintaani quseyso oo uu horkacayay Raisul Wasaare Maxamed cabdulahi Farmaajo.
Madaxwenaha oo tixgilelinaya soojeedinta wasiirada islamarkaasna qiimeynaya xaalada iyo daruufaha nabadgelyo ee uu dalka marayo loona baahanyahay in la qaato talaabooyin lagu habaynayu laguna dar-dar galinayo haydaha nabadgalyada qaranka si loo xaqiijiyo is bedel wax ku ool ah, ayaa maanta oo ay taarikhdu tahay Maarso 07 2011 Madaxweynuhu ka qaaday Xilalkii Taliyanimo Saaraakisha hoos ku xusan.
Taliyaha Ciidamada Xooga Dalka Soomaaliyeed S/GUUTO Axmed Jimcaale Geedi.
Taliyaha Ciidamada Nabad Sugida Qaranka Soomaliyeed S/GUUTO Maxamed Sheekh Xassan Xaamud.
Taliyaha Ciidamada Asluubta Soomaaliyeed S/GUUTO Cabdullahi Macallin Cali.
Taliyaha Ciidamada Booliiska Soomaaliyeed S/GUUTO Cali Maxamed Xassan Looyaan.
Malik Abdalla
Agaasimaha Warfaafinta
Xafiiska Madaxweynaha- Muqdishu, Somalia
mabdalla@presidency.gov.so
No comments:
Post a Comment