Idaacadaha Horseedmedia,SBC,RadioGarowe,Daljir,ETN Ayaa Noqdey Kuwa U Afduuban Maamulka Puntland .

Warkii 03-Nov-2009 iyo Qormadii: Mohamed bishaar

Degaanada puntland waxaa ka howlgala idaacado iyo Tv kuwaas oo ay ka howlgalaan wariyaal fara badan , oo diyaar u ah inay Wararka u soo gudbiyaan bulshada ay u shaqeynayaan , , hadaba markaad dhinacyo badan fiiriso saxafada ka howgasha degaanada Maamul Gobaleedka puntland Ayaa noqtey Mid Baal martey Sharcigii saxafada.


Idaacadahas ayaa noqodey Inay ku hadlaan oo qura afka Dowlada Puntland madaama
Wasiir Ku xigeenka Warfaafinta Maamulka Puntland, C/shakuur Mire Aaden ,uu ku amray in saxafigii soo gudbiya Waraan Puntland wax ka ogeyn Maamulka puntland ay gacan bira ku qabanayaan sidoo kale taas waxaa sii dheer xadhigyada loo geysanayo Weriyayaasha.
Xukuumaada Puntland ayaa cadaadis xoogaagan ku saartey suxufiyiinta Wararka ay soo gudbinayaan inay noqdaan kuwa amaan gaar ah u leh maamulka Puntland, sida u horey u cadeeyey Wasiir ku xigeenka howlgala Radio iyo Tv Puntland ku yaal.

Idaaacadaha horseedmedia,ETN-tv,RadioGarowe iyo Deljir iyo Weliba SBC,Radio, ayaa noqdey kuwa aan dhexdhexaad ka ahayn xaalada haatan ka jirta Somalia iyo Puntland, Maadama ay noqdeen saxafad hoostagta aqalka madaxtooyada Puntland ee Faroole, , islamarkaasna ka leexaday sharcigii saxafada xorta Ahaa,, iyagoona bulsha puntland ka dabooley waxyaalo fara badan oo ku salaysan xaqiiqada dhabta ah.
Idacadahaas ayaa ah kuwa laga sheego waxyaalo farabadan oo ka baxsan anshaxa saxaafada
madaxabanaan,isla markaana ka fog xaqiiqda dhabta ah ee ka jirta deegaanadaas.

Sidoo kale idaacadahani Waxay cadeysteen inaysan wararkooda dhexdhexaad ka noqon , ayadoo mararka qaarkood website-yada ay leeyihin lagu faafiyo Warar lagu aflagaadeynayo shakhsiyaad muhiim ah,oo bulshada ka mid ah,laguna waraysanyo shakhsiyaad aan munaasib ahayn in la waraysto,sidii ninkii xanuunsanayey ee ay ka waraysteen Buuhoodle,taasoo keentay nabadgelyo xumo.

Si kastaba Ha ahaatee, idaacadaha iyo TV yada ka howlgala puntland ayaa haatan ah kuwa u afdaboolan Maamulka Puntland iyagoo bulshadiina ka xanibay inay u soo gudbiyaan xaqiiqada dhabta ah ee jirta,waxaana hanjabaad,xadhig,iyo xanibaad la saaraa,idaacadaha kale ee laga leeyahay qaybaha kale ee Soomaaliya,iyo weliba idaacadaha caalamiga ah,sida VOA iyo BBC.
Mohamed bishaar

Bishar21@hotmail.com.