Sunday, 8 April 2012

Madaxwaynaha Somaliland Md. Axmed Maxamed Siilaanyo oo guddi farsamo u magacaabay wada tashiga Somaliland & DFKMG

 

Warsaxaafadeed ka soo baxay Xarunta Madaxtooyada Somaliland oo soo gaadhay Shabakada WardheerNews ayaa lagu sheegay in Madaxweynaha Somaliland Md. Axmed Maxamed Siilaanyo u magacaabay gudi farsamo arinnka wada tashiga Somaliland iyo Dawlada Federaalka ku Meel Gaadhka ee Soomaaliya (DFKMG) . Warsaxafadeedkaasi waxa uu u qornaa sidan:


Madaxweynaha JSL, Mudane Axmed Maxamed Maxamuud (Siilaanyo) isagoo ku qanacsan baahida loo qabo in ay Somaliland, dhineceeda fuliso, Go’aamadii Shirkii Caalamiga ahaa ee London 23 Feberoury 2012, inta ka khusaysa gaar ahaan Qodobka tilmaamaya wada hadalka Somaliland iyo Somaliya, waxaa uu magacaabay Guddi Farsamo oo kooban 5 xubnood kana hawl-gelidoona qaban-qaabada iyo qaabka wada hadalka (Somaliland & Somaliya) kuwaas oo kala ah:
1. Wasiirka Arrimaha Debeda, Dr Maxamed Cabdilaahi Cumar
2. Wasiirka Arrimaha Gudaha, Maxamed Nuur Caraale (Duur)
3. Wasiirka Hawlaha Guud iyo Gaadiidka, Axmed Cabdi Xaabsade
4. Wasiirka Cadaalada iyo Garsoorka, Xuseen Axmed Caydiid iyo
5. Wasiirka Beeraha, Prof. Faarax Cilmi Maxamuud

Gudigani waxay ka qayb-gelidoonaan kulan gogol-xaadha oo ay labada dhinac dhawaan ku yeelan doonaan Magaalada London ee Cariga ingiriiska.



Afhayeenka Madaxtooyada Somaliland
Md. Cabdilaahi Cukuse

No comments:

UN: Starvation threatens 2 million in drought-hit Somalia

Fri Sep 13, 2019 01:44PM [Updated: Fri Sep 13, 2019 01:52PM ] Home Africa Somalia A newly arrived woman fleeing from the drought...