Maxakamada Boosaaso oo xadhig u dhexeeya 10-15 sano ku xukuntay culimo lagu eedeeyey Alshabaab.

Warkii 03-Nov-2009 iyo Qormadii: NEWS

Makadmada Magaalada Boosaasoa ee maamulka Puntland ayaa maanta xukuno kala duwan ku riday 6 nin oo ka mid ahaa culimada deegaankaas,oo ay ciidamada amnigu ka qab qabteen horaantii bishii tagtay magaalada Boosaaso ku eedeeyeen in ay xidhiidh la leeyihiin Dhaq dhaqaaqa Mujaahidiinta Al-shabaab. -Ragaas oo ay ka mid ahaayeen culimo caan ka ah deegaankaas,iyo weliba dhalinyaro ganacsato ahayd ayaa waxay kala yihiin:


1. Sheekh Cali Axmed Xasan”Cali Gacamey”,
2. Deeq Yaasiin Khaliif
3. Axmed C/risaaq Maxamed .
4. Ibraahim Maxamed Shire .
5. Maxamed Saciid Cabdisalaan .
6. Sheekh Maxamuud Samatar Maxamuud “Jeega Hool.


Maxkamadu ayaa ugu horeyn Deeq Yaasiin Khaliif ku xakuntay xabsi dhan 15 Sano halka eedaysanayaasha kale ay ku wada xakuntay midkiiba 10 sano oo xadhig ah.



Xeer Ilaaliyaha Maxkamada Gobolka Bari Maxamed Cabdi Awaare ayaa Maxkamada kaga dhawaaqay xukunka ay maxkamadu ku riday 6-daa eedaysane

Eedaysanayaasha ayaa Maxkamada horteeda ka sheegay in aysan wax xidhiidh ah la laheyn Ururka Al Shabaab ee ka jira Gobolkada Koonfureed ee Dalka , waxaana Maxkamada ku hor dhaartay qaar ka mid ah culimada,iyadoo dhaartaas dheg jalaq loo siin waayey.

Maxkamada ayaa Xoraydiisi siisay Sheekh Maxamuud Samatar “Jeega Hool” oo ka mid ahaa Shaqaalaha Jaamacadda Bariga Afrika kaas oo ay Maxkamadu ku sheegtay in lagu waayay Falkii lagu soo eedeeyay,iyadoo aan nimankaas la xukumay loo qaban wax garyaqaano ama Looyar ah oo u dooda.

Xadhiga culimadan ayaa ku soo begmaya,iyadoo xabsiga Boosaaso uu ku geeriyooday marxuun xabsigaas sida la sheegay lagu jir dilay.

Xabsiyada Boosaaso ayaa waxa ka buuxa culimo iyo rag ganacsato ah oo qaarkood ka soo jeedaan gobolada kale ee dalka iyo Ogaadeniya.

Afnugaal News DESK.