Monday, 20 June 2016

Ahlusunna oo beenisay inay wada-hadal la galayaan Galmudug


Ahlasunna
Ahlasunna
Muqdisho (RBC Radio) Ururka Ahlusunna Waljamaaca ee gobollada dhexe ayaa beeniyay hadal ka soo yeeray Galmudug oo ku aadan labada dhinac inuu wada-hadal u furmayo.
Cabdullaahi Xirsi Diirshe (Daacad) oo ka mid ah hoggaamiyayaasha sarre ee ururka ayaa u sheegay warbaahinta gudaha inaysan jirin wax wada-hadal ah oo ay la galayaan maamulka Galmudug ee saldigiisu yahay magaalada Cadaado oo ka tirsan gobolka Galgaduud.
“Waa hadal aan sal iyo raad lahayn,mana jirto wax wada-hadallo ah oo an la qaadanay Galmudug,”ayuu yiri Cabdullaahi Daacad oo Ahlusunna ugu magacaabay madaxweyne ku-xigeenka maamulka gobollada dhexe ee xaruntiisu tahay magaalada Dhuusamareeb.
Waxuu ku soo aadaya hadalka xilli dhawaan madaxweyne ku-xigeenka Galmudug,Maxamed Xaashi Cabdi uu sheegay inay wada-hadallo la qaadbayaan Ahlusunna Waljamaaca,walow hadalka ay ka horyimaadeen Ahlusunna.
__
RBC Radio

No comments: