Muqdisho (RBC Radio) Wararka ka imaanaya degmada Cadaado oo ka tirsan gobolka Galgaduud ayaa sheegaya halka inuu dagaal saacado socday ku dhex maray ciidamo ka tirsan maamulka Galmudug iyo milliteriga Soomaaliya ee halka ku sugan,sida goob-joogayaal ayaa u sheegay warbaahinta.
Dagaalka oo an la oggaan khasaaraha uu dhaliyay,waxaa la sheegay inuu ku billowday,kaddib markii ciidamada Galmudug ay weerar ku qaadeen xarunta Kafaalo oo ciidamada milliteriga Soomaaliya ee 21-aad loogu qaybinaayay mushaaraad.
Ciidamada Galmudug ee weerarka qaaday,waxaa ay dhankooda sheegen inay ka cabanayaan mushaarad la’aan oo an wax mushaar ah la siin bilihii ugu dambeeyay,taasina waxay sabab u ahayd inay weerarran xero mushaaradka lugu siinayay ciidamada milliteriga Soomaaliya ee ku sugan gobollada dhexe.
Mas’uuliyiin ka tirsan maamulka Galmudug ee saldhigiisu yahay Cadaado,waxaa ay warbaahinta u sheegen xaaladda xilligan inay tahay mid degan oo ay socdaan waan waan lugu kala dhex-galayo ciidamada dagaallamay.
__
RBC Radio
RBC Radio
No comments:
Post a Comment