Muqdisho (RBC Radio) Maamulka Soomaaliland ayaa xaqiijiyay inaanay saari doonin hay’ado Turkish ah oo dawladda Soomaaliya ay sheegtay inay dalka uga baxaan muddo toddoba maalmood ah.
Hay’adahan oo lugu magacaabo Nile ayaa lala xidhiidhinayo inuu leeyahay waddaad Turkish ah oo mucaarad ku ah xukuumadda Turkiga, laguna magacaabo Fatxullah Gulen.
Wasiirka arrimaha dibadda ee Soomaaliland Dr. Sacad Cali Shire ayaa sheegay inay sharci ku joogaan hay’adahaasi Soomaaliland wuxuuna sheegay inay eryi karaan oo keliya haddii ay sharciga Soomaaliland jebiyaan.
Waxuu sheegay wasiirka inaysan wali dowladda Turkiga la soo xiriirin,balse hadey dhacdo ay baari doonan hay’adda doorka ay ku lahayd af-gambigii fashilmay ee Jimcihii ka dhacay dowladda Turkiga.
Dowladda Soomaaliya ayaa hay’adan ugu baaqday dalka si dhaqso ah inay uga baxdo,sababo la xiriira inay saraakiishooda qayb ka ahaayeen afgambigii dhicisoobay.
__
RBC Radio
__
RBC Radio
No comments:
Post a Comment