WAXAA LA AKHRISTAY 172 MAR
Muqdisho,(SONNA):- Kooxo Bastoolado ku hubeysan ayaa caawa magaalada Muqdisho ku dilay Alle ha unaxariistee Sh Cumar Xuseen Xasan Oo Ka Tirsan Howlwadeenada Warbaahinta Qaranka, gaar ahaan Radio Muqdisho iyo SNtv.
Guddoomiyaha Degmada Xamar Jabjab Maxamed Cismaan Dhoorre, ayaa Wakaaladda Wararka Soomaaliyeed Ee SONNA u sheegay in Sh Cumar ay Dileen kooxo Bastoolado ku hubeysan xilli uu ka soo baxay Masjid ku yaalla gudaha degmada oo uu ku soo Tukaday Salaadda Cishe.
“Shekha wuxuu Imaam ka ahaa Masjidka Dekadda, waxaa dilay Bastooladleey oo goobta ka baxsadeen dilka kadib waana lagu raad joogaa”. Ayuu yiri Dhoorre.
Maleeshiyaadka Kooda Al-shabaab ayaa caan ku ah dilalka iyo beegsashada Culimada iyo dadka ka dhex muuqda Bulshada Soomaaliyeed.
No comments:
Post a Comment