Monday 25 April 2011

Nabaddoon Boosaaso Lagu Dilay Mid Kalena Lagu Dhaawacay

Boosaaso (RBC Radio):- Xalay fiidkii ayaa dabley hubeysani waxay toogasho ku dileen Marxuum Nabaddoon Siciid Cumar Xasan (Kaashawiito) oo ka mid ahaa Waxgaradka ugu firfircoon gobolka Bari.
Nabaddoonka ayaa dabley hubeysani toogasho ku dileen xilli uu ka soo baxay masjidka Rashiid ee xaafada New Boosaaso, waxaana Nabaddoonka lala dhaawacay oo la socday Nabaddoon kale oo dhaawac uu ka soo gaarey dhinaca gacanta.
Kooxda dilka geysatay ayaa goobta ka baxsatay kadib dilkii ay u geysteen Nabadoon Siciid Cumar Xasan (Kaashawiito) inkastoo ciidamada amaanka ee magaalada Boosaaso ay soo qab qabteen rag la tuhunsan yahay in ay ku lug leeyihiin dilkii xalay fiidkii loo geystay mid ka mid ah Nabaddoonada gobolka Bari.
Dilalka qorsheysan ee masaajida hortooda loogu geysanayo Nabaddoonada iyo dhamaan Waxgaradka ayaa mudooyinkani ku soo badanayey deegaanada Puntland iyadoo ilaa iyo iminka cid wax ka qabatay arimahaasi aysan jirin, inkastoo ciidamada amaanku ay mararka qaar soo qabtaan rag la tuhmo ugu dambeyna ay sii daayaan.
Nabaddoon Kaashawiito ayaa ahaa shaqsi magac ku leh bulshada magaalada Boosaaso iyo guud ahaan gobolka Bari, waxaana saaka lagu wadaa in lagu aaso magaalada Boosaaso ee xarunta gobolka Bari.
RBC Radio.

No comments:

Why cows may be hiding something but AI can spot it

  By Chris Baraniuk Technology of Business reporter Published 22 hours ago Share IMAGE SOURCE, GETTY IMAGES Image caption, Herd animals like...