Maxkamada Ciidamada qalabka sida ayaa maanta Tiirka School Polizio ku toogatay askar ka tirsan ciidanka Dowladda oo horay dilal u geystay, waxaana askartan ay ahaayeen askartii 7aad ee Maxkamada xukun dil ku fuliso tan iyo markii ay bilowday inay Maxkamada ay xukuno ku fuliso qeybaha kala duwan ee Ciidamada.
Labada Askari ee la toogtay ayaa mid ka mid ah lagu magacaabi jiray Cabdi Sankuus Cabdi 31-jir oo ka mid ahaa shaqaalaha wasaarada Gaashaandhiga oo dilay nin rayid ah iyo C/llaahi Jiinow Guure 29-jir oo isna ahaa dable ka tirsan Ciidamada Dowladda oo dable kale dilay.
Hadaba waxaa markii la geeyay Tiirka toogashada ee School Polizio Labada gacan ku dhiigle waxaa si saf ah rasaas ugu harqiyay askar ka tirsan Ciidamada Dowladda, iyagoo indhaha laga duubay iyo xarigna tiirka loogu xir xiray si aysan u baxsan.
Xafiiska Wararka Jowhar.com Muqisho
jowharnews@gmail.com
Askarta oo saf ku jira isuna diyaarinaya toogashada, iyo mid ka tirsan askartii la tooganayay oo Tiirka gadaashiis maray
Askari sii dhameystiraya mid ka mid ah gacan ku dhiiglayaashii la tooganayay
Karfan loo diyaarinayo markii rasaastii lagu harqiyay ku geeriyoodeen
Xargaha lagula qataaray tiirka oo laga soo furayo, si loo karfaneeyo
Markii la karfaneeyay kadib oo loo wado qabri ku yaala hareeraha School Polizio oo loo diyaariyay si loogu aaso
No comments:
Post a Comment